જીવનની બધી વાતો ભલે તું કડવાશથી લે,
એક આ જિંદગીને ખાલી તું હળવાશથી લે,
ધ્યાન દેજે, દરેક ક્ષણમાં ચારેકોર વસી છે,
આ કોઈના સ્પર્શ:ની મહેક તું શ્વાસથી લે,
ઘાસની વેદના લેવા જમીન પર આવું પડે,
કેમ નીંદણનો હિસાબ ભઈ તું આકાશથી લે,
ઘુમતો રહેવાનો ગોળ ગરબાની જેમ હંમેશા,
જીવનનો આનંદ લયબદ્ધ થતી તું રાસથી લે,
અંધકારમય જીવન કોનું નથી હોતું અહીં,
જિંદગીની ગાડીનું સ્ટેશન તું ઉજાસથી લે,
પુરી જિંદગી નીકળી જાય ઓળખવામાંને
અંતિમ પળોમાં પરખ અહીં તું લાશથી લે,
જીવનની બધી વાતો ભલે તું કડવાશથી લે,
એક આ જિંદગીને ખાલી તું હળવાશથી લે.
- નિશાંક મોદી
No comments:
Post a Comment