પગાર આપવોય પડેય

પગાર આપવોય પડેય માણસના કામકાજ મુજબ,
રાજાનેય મળે બિરુદ સમ્રાટનું કરેલા રાજ મુજબ,

પર્વતોને ગુફાઓએ સ્વીકારી લીધું, તું હવે સ્વીકાર,
પડઘાનો શું વાંક એ પ્રતિભાવ આપે અવાજ મુજબ,

આ મોરની સુંદરતા કલગી નહી મોરપીંછ છે,
માણસના ચપ્પલની કિંમત કેમ તું આંકે તાજ મુજબ,

વાયદાઓ કાયમ સરખા નથી રહેતા, બદલાયા કરે,
કાલે હતા જે કાલ મુજબ આજે એ છે આજ મુજબ,

સવારે તો પોતાના બિસ્તરા પોટલાં સેટ કરી દીધા,
બપોર રાતને ગોઠવણ કરવી પડે ખુદની સાંજ મુજબ

પગાર આપવોય પડેય માણસના કામકાજ મુજબ,
રાજાનેય મળે બિરુદ સમ્રાટનું કરેલા રાજ મુજબ.
- નિશાંક મોદી