Happy Winter
બે હાથ મસળતા થોડોક ગરમાવો શરૂ થયો,
ફૂલગુલાબી ઠંડી આવીને શિયાળો શરૂ થયો,
ફ્રીજના બાટલા માટલાંની પાસે ગોઠવાયા,
તજ સૂંઠથી ભરપૂર કાવોને ઉકાળો શરૂ થયો,
બત્તીનો પ્રકાશ હવે સહેજ ધૂંધળો લાગે,
ધૂળ ધૂમમ્સ ભેગા મળ્યા કે ધુમાડો શરૂ થયો,
શેકાતો બફાતો સૂરજ સહેજ ઠંડો પડ્યો,
ગોઠવેલા તાપણાંનો તાપ હુંફાળો શરૂ થયો,
સવારની નીંદર વધુ મજાની લાગવા લાગી,
રજાઈનો એ સ્પર્શ: વધુ સુંવાળો શરૂ થયો,
બે હાથ મસળતા થોડોક ગરમાવો શરૂ થયો,
ફૂલગુલાબી ઠંડી આવીને શિયાળો શરૂ થયો.
- નિશાંક મોદી
No comments:
Post a Comment