આંખોના સપનાં રાતે સવાલો પૂછે છે,
શું પુરા કરવા જ અમને સવારે ઉઠે છે?
માની ગયો દોસ્ત તારી અદાકારી આજે,
હૃદય ભીનું તારું છે ને તું પાંપણ લૂછે છે,
સમય ઘણો વિતાવ્યો સમજાવવા એને,
મનાવ્યાં પછી જો કેમ આજે સમય રૂઠે છે,
જાળવવા જવાની ભર્યો રંગ કાળો માથામાં,
ઉંમર જણાવી દેશે સફેદ વાળ જે મૂછે છે,
હાજરી મારી તકલીફ દાયક લાગે બીજાને,
જેમ કાંટાને પૂછીએ તો કહે ગુલાબ ખૂંચે છે,
આંખોના સપનાં રાતે સવાલો પૂછે છે,
શું પુરા કરવા જ અમને સવારે ઉઠે છે?
- નિશાંક મોદી
No comments:
Post a Comment