શુભદિવાળી

શુભદિવાળી ને નવવર્ષની શુભેચ્છાઓ

માટીના કોડિયામાં એક દિવેટ ઘીવાળી કરીને આવ્યો છું,
પ્રગટાવી આશાનો દીવડો હું દિવાળી કરીને આવ્યો છું,

દેખરેખ રાખી જેણે મારા હવા ઉજાસની આખું વર્ષ,
ચકમકતાં બલ્બથી બારીને હું રૂપાળી કરીને આવ્યો છું,

દિવસ રાત પછડાતાને ખુદનો અવાજ અલગ રાખતા,
બારણાં રહેશે ખુલ્લા, ઉંબરે રંગોળી કરીને આવ્યો છું,

શણગાર્યું આકાશ ફટાકડાના નવરંગી રંગોથી મેં,
અંધારી રાત અમાસની હું અજવાળી કરીને આવ્યો છું,

આવતીકાલથી કરીશું શરૂ નવું પ્રકરણ જિંદગીનું,
મનમેલી ચૌદેશને ગઈકાલે જ હું કાળી કરીને આવ્યું છું,

માટીના કોડિયામાં એક દિવેટ ઘીવાળી કરીને આવ્યો છું,
પ્રગટાવી આશાનો દીવડો હું દિવાળી કરીને આવ્યો છું.
- નિશાંક મોદી