વાતોમાં વાત નીકળી

વાતોમાં વાત નીકળી ને સાંજ થઈ,
લે જીવનમાં ફરી આજે મજાક થઈ,

પારેવું લાયો પિંજરમાં કોઈએ ના પૂછ્યું,
ઉડાવ્યું આજે લોકો જુએ અવાક થઈ,

દિવસભર સ્વપ્નો આળસ મરડે જ્યાં,
રાતે સફાળા જાગે એ જ સજાક થઈ,

ગણતરી બધી જ ચોપડે સાચી લાગે,
ગૂંચવે જિંદગીના વર્ષો રોજ આંક થઈ,

જોઈ ખોટું થતું કદીક બોલવુંય પડેને,
આપેલી સલાહ આવે પાછી વાંક થઈ,

મન ભલે રહ્યું મજબૂત મનોબળવાળું,
ક્યારેક તો થકવી દે દેહને એ થાક થઈ,

વાતોમાં વાત નીકળી ને સાંજ થઈ,
લે જીવનમાં ફરી આજે મજાક થઈ.
- નિશાંક મોદી