રોજ મળે સામે, ખરેખર તોય એ મળતી નથી,
જિંદગી છે જિંદગી મરજી મુજબ ચાલતી નથી,
તૂટેલા સ્વપ્નો વીણ્યા ભીની આંખે,
દૂરના સફરો સર કર્યા ઝીણી પાંખે,
કદીક હું આગળ કદીક એ આગળ,
ના એક જગા મળી જ્યાં અમે સાથે,
જીદથી ભરેલી આ જિંદગી કશુંય માનતી નથી...
રોજ મળે સામે, ખરેખર તોય એ મળતી નથી,
જિંદગી છે જિંદગી મરજી મુજબ ચાલતી નથી,
અનુભવો હર્ષ આંસુનું મિશ્રણ થોડા,
કડવા મીઠા ને કદીક એ તીખાં મોળા,
તકલીફમાં એક હાથ ન હતો ખભેને
ખુશીના પ્રસંગમાં ઉમટ્યા ટોળે ટોળાં,
હરક શોક બેય લાગણી આ જિંદગી માણતી નથી...
રોજ મળે સામે, ખરેખર તોય એ મળતી નથી,
જિંદગી છે જિંદગી મરજી મુજબ ચાલતી નથી,
રમતિયાળ બાળપણ ભૂલો વિનાનું,
જવાની ઘરે કઈ કીધા વિના જવાનું,
ઘડપણનું આ મોજું થોડું તરંગી ખરું,
ભૂલી ના જાય જોજે શ્વાસ લેવાનું,
પારણું ક્યારે થઈ જાય રાખ જિંદગી જાણતી નથી...
રોજ મળે સામે, ખરેખર તોય એ મળતી નથી,
જિંદગી છે જિંદગી મરજી મુજબ ચાલતી નથી.
- નિશાંક મોદી
No comments:
Post a Comment