જિંદગીના એકએક કિસ્સાઓ મજેદાર હતા,
ના ભૂલી શકાય એવા હર એક યાદગાર હતા,
મીઠી લાગતી ઘંટડી, નિશાળથી છૂટથી વેળાએ,
મન રહેતા હળવાને ખાલી દફ્તરોના ભાર હતા,
કૉલેજના લેક્ચર બંક મારી ખુશી અનુભવતા,
સપનાઓ ક્યાંક ખૂણે પણ આપણે બહાર હતા,
ભૂલોય કરી હશે, અંતે તો માણસજાત જ ને,
તોય બીજાને સમજાવવા આગવા સલાહકાર હતા,
એક જ મંચ પર કદીક હસાવતા ને કદીક રડાવતા,
સુખ ને દુઃખ જિંદગીના બંન્ને મહત્વના કલાકાર હતા,
જિંદગીના એકએક કિસ્સાઓ મજેદાર હતા,
ના ભૂલી શકાય એવા હર એક યાદગાર હતા.
- નિશાંક મોદી