ગળે વળગેલ યુગલ

ગળે વળગેલ યુગલ જોઈ એક વિચાર આવ્યો,
ખરેખર ઈશ્વર મને તારા પર ફરી પ્યાર આવ્યો,

જોઈ મેં બન્ને આંખો ભીંજાયેલી બન્ને જણાની,
સાગર જેવી સૃષ્ટિનો મોતી બની બહાર આવ્યો,

આગોશમાં હતા એ પ્રેમીપંખીડા એકબીજાની,
તારા હયાતીનો વિશ્વાસ આજે બારોબાર આવ્યો,

લાગ્યું કે મળે આ લોકો જાણે વર્ષો પછી આજે,
વિરહ પછી મિલનનો સમય હવે ભારોભાર આવ્યો,

વાક્યો પુરા નતા થતાને ડૂસકાઓ રોકતા એમને,
મદદે એમની હૃદયસ્પર્શી લાગણીનો સહકાર આવ્યો,

દ્રશ્ય મેં જે જોયું હતું એ અશ્રુઓથી ભરેલું પણ,
હજુય કોક ચલાવે દુનિયા તારા માટે અહંકાર આવ્યો,

ગળે વળગેલ યુગલ જોઈ એક વિચાર આવ્યો,
ખરેખર ઈશ્વર મને તારા પર ફરી પ્યાર આવ્યો.
- નિશાંક મોદી