*ગીત*
રાત એક અજવાળી મળી,
નજર તારી તરફ જે વળી,
આસપાસ બસ તને માણું,
કેમ કરી જો હું ખુદને જાણું,
જાત મારી ઉલજે બની ઉખાણું,
મળજે મને આમ અહીં રોજ ફરી
રાત એક અજવાળી મળી....
રસ્તાની ભીડ સારી લાગે,
દુનિયા હવે મને મારી લાગે,
સુગંધ આમતેમ તારી લાગે,
ડાળી ઝુકાવે બની તું ફૂલની કળી
રાત એક અજવાળી મળી....
હાથમાં તારા જોઈ ચકરડી,
મન મારું ઘૂમે થઈ ભમરડી,
ઉંમર થાય તને જોઈ ઘરડી,
લાગે યૌવનની છટા તને જ ફળી
રાત એક અજવાળી મળી,
નજર તારી તરફ જે વળી.
- નિશાંક મોદી
No comments:
Post a Comment