પ્રેમની વાતમાં તું નીકળી સવાઈ

પ્રેમની વાતમાં તું નીકળી સવાઈ,
તે કર્યો પ્રેમ, મેં એની કરી ભવાઈ,

દુનિયા ખાતર મેં તને જે છોડી,
આંખોમાં તારી જ દુનિયા છવાઈ,

કડવાશ લાગે મને આ પ્રેમમાં,
મજા હતી જે થતી મીઠી લડાઈ,

રસ્તો ભુલ્યો હું, અટવાયો ક્યાંક,
સીધા માર્ગે કેમ ના તું મને લાઇ,

હ્ર્દયમાં ઘાવ પણ ચહેરે સ્મિત,
આંસુઓને લાગી આ ફરી નવાઈ,

પ્રેમની વાતમાં તું નીકળી સવાઈ,
તે કર્યો પ્રેમ, મેં એની કરી ભવાઈ.
- નિશાંક મોદી