વ્યંગરચના- કોરોના વાયરસ

વ્યંગરચના- કોરોના વાયરસ

તલવાર-બંદૂકથીય ખતરનાક આ છીંક લાગે છે,

કોઈને હાથ મિલાવતાય હવે તો બીક લાગે છે,

મને નફરત હતી મુખવટા પહેરેલા ચહેરાથી પણ,

જો ને માસ્ક પહેરેલા મોંઢા હવે તો ઠીક લાગે છે,

ડર સતાવતોતો એકલતાનો મને, શોધતો ભીડને,

આજે ટોળા વચ્ચે મન વધુ કેમ ભયભીત લાગે છે,

શોધાઈ ક્યાં છે હજી આ દવા વાયરસ મારવાની,

સેનીટાઇઝર વેચવાની કદાચ નવી તરકીબ લાગે છે,

જાગૃતતા ઓછી ને ચર્ચા વધારે કરીએ છીએ આની,

ભણતરની આ ડિગ્રી થોડીક આજે તો વિક લાગે છે,

ખોટા કામ કરતી વેળાએ માણસ ડરતો નથી,

કોરોના બીજું કંઈ નહીં ઈશ્વરની મોટી જીત લાગે છે,

તલવાર-બંદૂકથીય ખતરનાક આ છીંક લાગે છે,

કોઈને હાથ મિલાવતાય હવે તો બીક લાગે છે.

- નિશાંક મોદી

"સ્ત્રી તું જ સર્જનહાર"

"સ્ત્રી તું જ સર્જનહાર"

જો તું બને સાવિત્રી, તો તું યમરાજનોય કાળ છે,

તું જ ઈશ્વર, તું જ માતાને તું જ સર્જનહાર છે,

વટથી મૂછ પર તાવ દેતા પિતાને તું નમાવી શકે,

તું જ લાગણીનો ધોધને તું જ આંખોની ધાર છે,

પ્રેમત્યાગની ભાવનામાં તું કૃષ્ણથી પણ ચઢિયાતી,

તું જ રાધા, તું જ રૂકમણીને તું જ ગોપીઓની પુકાર છે,

જીવને ઉછેરે નવ મહિના, જાણે તું પ્રસવની પીડા, 

તારો દેહ એટલે જન્મભૂમિ, તું છે તો જ સંસાર છે,

સમાજ શું રોકશે માસિકધર્મે, તને ધર્મસ્થાને જતા,

મંદિરની તું જ પાર્વતી, તું જ દુર્ગાને તું જ ખોડિયાર છે,

તને ત્યજીને મર્યાદાપુરુષોત્તમ રામ દુઃખી થ્યા,

તું જ સીતા, તું જ કર્મને તું જ ગીતાનો સાર છે,

દીકરી, બહેન, પત્ની, સખી, માતા- કોને પૂજીએ!,

તું જ ગંગા, તું જ યમુના, તું દેવી એકને રૂપ હજાર છે,

તારો 'સ્પર્શ:' મનને ભીંજવે, તારું વ્હાલ આત્માને લૂછે,

તું જ મમતાનો સાગરને તું જ પાલવનો કિનાર છે,

જો તું બને સાવિત્રી, તો તું યમરાજનોય કાળ છે,

તું જ ઈશ્વર, તું જ માતાને તું જ સર્જનહાર છે.

- નિશાંક મોદી 'સ્પર્શ:'

जल्दी घर आया था

सारे ही गुलाब वो बाज़ार में छोड़ आया था,

मोहब्बत का दिन था वो जल्दी घर आया था,

मुमकिन कहा हर पल इश्क करे महबूबा से,

इश्कवाले भी देंगे हिसाब कितना कमाया था,

बदला लेनेवाले नही जानते, प्रेम का अहसास,

एक फिर भी हँसाता है जब दूसरे ने रुलाया था,

प्यार में जुनून जायज है, कभी सौदा नही होता,

बिन कुछ कहे दिए मोहब्बत का दिन मनाया था,

बड़े चर्चे सुने थे निकम्मा कर देता है इंसान को,

तो पूछो लोगो से क्यू इश्क को खुदा बताया था,

सारे ही गुलाब वो बाज़ार में छोड़ आया था,

मोहब्बत का दिन था वो जल्दी घर आया था,

- निशांक मोदी

જોઈ ગયો છે

આકાશ તરફ જતા રસ્તાનો ઢાળ જોઈ ગયો છે,

ઉડવું પરપોટાને કારણ, એક વરાળ જોઈ ગયો છે,

ભયભીત છે જે પોતે કેમ કરી સંઘરે બીજાને હવે,

એક દર્પણ બીજા દર્પણમાં તિરાડ જોઈ ગયો છે,

કિંમત નીચી જવાના ડરથી શોષવાય છે ભોંયરું,

ખુદની ઉપર ચણાતો એક માળ જોઈ ગયો છે,

જો તો કેવો લાગ્યો 'ભક્ત' છુપાવવાની ફિરાકમાં,

ઈશ્વર હમણાં જ પ્રસાદનો થાળ જોઈ ગયો છે,

પૂછો સૂરજ બિસ્તરા પોટલાં બાંધી ક્યાં ચાલ્યો?,

નક્કી કોઈક બીજી જગ્યાએ સવાર જોઈ ગયો છે,

બધું ત્યાગી દેવાની ગજબની હિંમત મળી અંતમાં, 

દર્દી પથારીમાં યમરાજનો એક કાળ જોઈ ગયો છે,

આકાશ તરફ જતા રસ્તાનો ઢાળ જોઈ ગયો છે,

ઉડવું પરપોટાને કારણ એક, વરાળ જોઈ ગયો છે.

- નિશાંક મોદી

आ अब तुज से

#कविता

आ अब तुज से में बात करू,

तुज से ही तेरी फरियाद करू,

अब तू ही रास्ता बता मुजे,

कैसे में खुद को बर्बाद करू,

इश्क मेरी आदत न थी,

वादे मेरी फितरत न थी,

मिले तुम तो सीखी हमने,

जिंदगी में वरना मोहब्बत न थी,

कोई चीज हो दिमाग में तो बता दे,

कैसे भूलकर तुज को ही फिर याद करू,

नींद नही आती सपना भी नही आता,

ग़ैर कहा से आये कोई अपना भी नही आता,

हो प्यार का कोई मंत्र तो फूंक दे मुझ पे,

मुजे इश्क का कोई जाप जपना भी नही आता,

पूरी रात सोचु के कब सुबह हो जाये,

सुबह होते ही ख्याल आये कब में फिर रात करू,

तुजे मिलकर सारा शहर अच्छा लगा था मुजे,

झूठ बोलनेवाला हर बंदा सच्चा लगा था मुजे,

तू साथ मे थी तब ये जमाना पैरो में था मेरे,

इबादत करते वक़्त ईश्वर भी बच्चा लगा था मुजे,

तू नही तो अब इश्क की बाते नही करता में,

खुद को तबाह करके यहां रोज वारदात करू,

आ अब तुज से में बात करू,

तुज से ही तेरी फरियाद करू,

अब तू ही रास्ता बता मुजे,

कैसे में खुद को बर्बाद करू।

- निशांक मोदी

શ્રી કૃષ્ણલીલા

*શ્રી કૃષ્ણલીલા*

(અર્જુન)

તીરકામઠાં જ્યારે ઉઠશે નહીં,

મનને તારા કાંઈ સુજશે નહીં,

આવશે માધવ તને સમજાવવા,

અંતે શસ્ત્રો તારા ઝુકશે નહીં,

(દ્રૌપદી)

ચીરહરણ જ્યારે જોરમાં હશે,

મૌન અચાનક શોરબકોરમાં હશે,

આવશે ગોવિંદ તને સજાવવા,

સાડીનો પાલવ તારો છૂટશે નહીં,

(ગોપીઓ)

શરમને લાજ બધું જ છોડી,

પનિહારીઓ ની મટકી ફોડી,

આવશે કાનુડો રાસ રચાવવા,

મોહી મન તારું કંઈ લૂંટશે નહીં,

(સુદામા)

મળશે તને સોનાની લંકા છોડી,

મનમાં હશે જ્યાં તને શંકા થોડી,

આવશે ગોપાલ દોસ્તી નિભાવવા,

બાળપણની મિત્રતા તોડશે નહીં,

(મીરાં)

રાજાની તું તરછોડાયેલી રાણી,

ભક્તિ એની લાવશે એને તાણી,

આવશે ગિરધર ભક્ત બચાવવા,

ઝેરથી બચાવવા તને ચૂકશે નહીં,

(નરસિંહ મહેતા)

મારગ તારો રહેશે કઠોર,

પગની નીચે કાંટાને થોર,

આવશે કાનો તને પહોંચાડવા,

રસ્તો તારો કોઈ રોકશે નહીં,

(રાધા)

પહેલા જિંદગી તારી રંગીન હશે,

વિરહથી પાછળ ગમગીન હશે,

આવશે કૃષ્ણ તને જોડાવવા,

નામ અધૂરું તારું રહેશે નહીં...

- નિશાંક મોદી

ઉત્તરાયણ ૨૦૨૦

તું કહે કે ઉડવું કઈ રીતે તારી સંગ,

તું ચીરતી દોરીને હું હોશીલો પતંગ,

તું ગણાય કદી તારમાં ને વારમાં,

ને હું રહ્યો જો પંજાને કોડીનો નંગ,

તું દાંતીથી તૂટે ને બંધાય ફરી ગાંઠે,

રહું સલામત હું જો રહે ઢઢ્ઢો અકબંધ,

તારા વમળને મારું નમણ ક્યાં જુદું ,

ઉપરથી નીચે બાંધે તું મારું અંગેઅંગ,

લે જો તારા ઈશારે હું ચઢ્યો હવામાં,

ચાલ તું ને હું મળી કરીએ આભ નવરંગ,

તું કહે કે ઉડવું કઈ રીતે તારી સંગ,

તું ચીરતી દોરીને હું હોશીલો પતંગ.

- નિશાંક મોદી