મારી તો જો લાત, દરેક બારણે તાળા નથી હોતા,
તૂટેલો ખાટલો મૂડી એની, ઝૂંપડીમાં પિટારા નથી હોતા,
ભોળવાઈ શકે તો ભોળવાઈ જા મટકતી આંખોમાં,
યાદ રાખજે ઢળેલાં પોપચામાં પછી ઈશારા નથી હોતા,
હાથમાં હાથ રાખી ફરે જે યુગલ આખા ગામમાં,
કોણ કહે છે કે એમના ઘરમાં કોઈ તીખારા નથી હોતા,
દરિયાની સરહદ પણ ક્યાં બાંધી શક્યા છીએ,
એમાં ક્યાં તું પૂછે કે, વાદળોને કેમ કિનારા નથી હોતા,
આતો સંજોગોએ ઝુકાવ્યો છે માણસને 'સ્પર્શ:'
બાકી મળતા બધા માણસો કાંઈ બિચારા નથી હોતા.
મારી તો જો લાત, દરેક બારણે તાળા નથી હોતા,
તૂટેલો ખાટલો મૂડી એને, ઝૂંપડીમાં પિટારા નથી હોતા.
✍️નિશાંક મોદી
No comments:
Post a Comment