જીદ નામનું પતંગિયું પકડી જે તરત છોડી શકે,
માણસ ન કરી શકે એ બસ બાળક કરી શકે,
ઝગડા કરે ખુલ્લેઆમ પણ સંબંધ ન તોડી શકે,
માણસ ન કરી શકે એ બસ બાળક કરી શકે,
ઠોકર ખાઈ, ખભાથી આંસું લૂછી એ દોડી શકે,
માણસ ન કરી શકે એ બસ બાળક કરી શકે,
ફાટેલા પતંગ જેવા મનને ઉમંગથી જોડી શકે,
માણસ ન કરી શકે એ બસ બાળક કરી શકે,
ફૂંકથી ઉગાડેલા મેઘધનુષી પરપોટા ફોડી શકે,
માણસ ન કરી શકે એ બસ બાળક કરી શકે.
- નિશાંક મોદી
No comments:
Post a Comment