નથી થતું

નથી થતું

આમ આંખો મિચવાથી અંધારું નથી થતું,
મારું મારું તું કરે કઈ એમ તારું નથી થતું,

ખ્યાલ નહિ, કેમ થયો ખાલીખમ તું હેતમાં,
સાંભળ્યુંતુ કે પ્રેમમાં કદીયે દેવાળું નથી થતું,

ઉભી આ દીવાલો મોં ફેરવીને સામસામે,
કઈ એને જોઈ આ ધાબું બિચારું નથી થતું,

મન હઠીલા એવા કે માનતા નથી કદીય,
અંતે કોઈ પૂછે તો કહે હજી હારું નથી થતું

હૃદયમાંથી તો વહેતું મીઠું ઝરણું 'સ્પર્શ:',
લોકો ભોળવે નહિતર આંસુ ખારું નથી થતું,

આમ આંખો મિચવાથી અંધારું નથી થતું,
મારું મારું તું કરે કઈ એમ તારું નથી થતું...
- નિશાંક મોદી